កាលពីព្រឹកថ្ងៃទី២៧ ខែកញ្ញា ឆ្នាំ២០២៣នេះ គ្រឹះស្ថានមីក្រូហិរញ្ញវត្ថុ អម្រឹត ម.ក បានរៀបចំបើកកម្មវិធីពិនិត្យសុខភាពប្រចាំឆ្នាំសម្រាប់បុគ្គលិក ដោយមានការអញ្ជើញចូលរួមពីសំណាក់លោក អ៊ុច ស៊ីណាត នាយកអង្គភាពធនធានមនុស្ស, លោកស្រី លី ស្រីវីណា អគ្គនាយិកា គ្លីនីក លី ស្រី វីណា, លោក Tay Khai Han ប្រធានចាត់ការទូទៅនៃមន្ទីពិសោធន៍ PathLab (Indochina) ព្រមទាំងគណៈគ្រប់គ្រង និងបុគ្គលិកអម្រឹតជាច្រើនទៀត។

កម្មវិធីនេះជាផ្នែកមួយនៃ កម្មវិធីសុខុមាលភាពបុគ្គលិកអម្រឹត ដែលបង្ហាញពីការយកចិត្តទុកដាក់ និងចូលរួមចំណែកក្នុងការលើកកម្ពស់សុខុមាលភាពរបស់បុគ្គលិកទាំងអស់តាមរយៈការលើកទឹកចិត្តឱ្យមានការចូលរួមពិនិត្យសុខភាពឱ្យបានទៀងទាត់ដើម្បីដឹងពីស្ថានភាពសុខភាពនាពេលបច្ចុប្បន្ន អាចការពារឬព្យាបាលជំងឺបានត្រឹមត្រូវ និងទាន់ពេលវេលា។