កាលពីព្រឹកថ្ងៃទី ២៥ ខែមីនា ឆ្នាំ ២០២៥ គ្រឹះស្ថានមីក្រូហិរញ្ញវត្ថុអម្រឹត មានកិត្តិយសសហការជាមួយ សមាគមមីក្រូហិរញ្ញវត្ថុកម្ពុជា និងគ្រឹះស្ថានខេមាមីក្រូហិរញ្ញវត្ថុ ដើម្បីរៀបចំកិច្ចប្រជុំដ៏សំខាន់មួយ ស្តីអំពីការចែករំលែកបទពិសោធន៍នៃការអនុវត្តគម្រោងឥណទានទឹកស្អាតនៅកម្ពុជា។

ក្នុងឱកាសដ៏ពិសេសនេះ អម្រឹតបានអញ្ជើញប្រតិភូដែលបានមកពី Mindanao Microfinance Council និងអង្គការ Water.Org ដែលមានមូលដ្ឋាននៅប្រទេសហ្វីលីពីន។ កិច្ចប្រជុំនេះ ត្រូវបានរៀបចំនៅស្នាក់ការកណ្តាលរបស់អម្រឹត ក្នុងការពិភាក្សា អត្ថប្រយោជន៍ និងការលើកកម្ពស់ឥណទានទឹកស្អាត សម្រាប់ប្រជាជនកម្ពុជា។

អម្រឹត និងដៃគូសហការសង្ឃឹមថា កិច្ចប្រជុំនេះនឹងអាចជួយលើកកម្ពស់ការយល់ដឹង និងការចូលរួមរបស់ស្ថាប័នហិរញ្ញវត្ថុផ្សេងៗ ក្នុងការគាំទ្រការចងសម្ពន្ធភាព និងលើកកម្ពស់គុណភាពជីវិតអតិថិជនតាមរយៈការចូលប្រើប្រាស់ទឹកស្អាត។

ចូលរួមជាមួយពួកយើង ដើម្បីជំរុញប្រជាជនកម្ពុជាក្នុងការប្រើប្រាស់ទឹកស្អាត!