ដើម្បីធានាថា ប្រតិបត្តិការអាជីវកម្មរបស់គ្រឹះស្ថាន ប្រព្រឹត្តទៅប្រកបដោយវិជ្ជាជីវៈ អម្រឹត កំណត់នូរក្រមសីលធម៌វិជ្ជាជីវៈឱ្យនិយោជិតទាំងអស់អនុលោមតាម៖
ក្នុងនាមជាបុគ្គលិករបស់អម្រឹត ខ្ញុំនឹង...
ជៀសវាងការប្រព្រឹត្ត ឬប្រកបអាជីវកម្មទាំងឡាយណា ដែលអាចបង្កឱ្យមានទំនាស់ ផលប្រយោជន៍ចំពោះអាជីវកម្មអម្រឹតអតិថិជន និងអ្នកផ្គត់ផ្គង់ទាំងអស់របស់អម្រឹត។
ផ្តល់សេវាជូនអតិថិជនប្រកបដោយវិជ្ជាជីវៈ ការគោរព និងស្មើភាពគ្នា ដោយប្រកាន់ ខ្ជាប់នូរស្តង់ដារ ដូចដែលបានចែងក្នុងគោលការណ៍ការពារអតិថិជន។
រក្សានូវរាល់ព័ត៌មានសម្ងាត់ទាំងអស់មានដូចជា ផែនការអាជីវកម្ម យុទ្ធសាស្ត្ររបស់ ស្ថាប័ន ទិន្នន័យ ឬព័ត៌មានហិរញ្ញវត្ថុ គោលនយោបាយ នីតិវិធី គោលការណ៍ និង ព័ត៌មានសម្ងាត់របស់អតិថិជន អ្នកផ្គត់ផ្គង់ និងបុគ្គលិក។
អនុវត្តយ៉ាងពេញលេញ និងខ្ជាប់ខ្ជួនក្នុងការបង្កើតឱ្យមានបរិយាកាសការងារវិជ្ជមាន ដែលមិនមានការរំលោភបំពាន ការបៀតបៀនកេរ្តិ៍ខ្មាស និងជៀសវាងគ្រប់ទម្រង់នៃ ការរើសអើង។
ចូលរួមលើកកម្ពស់ និងអនុវត្តរប្បធម៌ការងារដែលប្រកបដោយសុវត្ថិភាព និង សុខុមាលភាពនៅកន្លែងការងារ។
ចូលរួមធ្វើសកម្មភាពប្រកបដោយការទទួលខុសត្រូវទៅលើសង្គម និងបរិស្ថាន ដោយ ប្រកាន់ខ្ជាប់នូវការអនុវត្តប្រកបដោយនិរន្តរភាព និងក្រមសីលធម៌។
ចូលរួមយ៉ាងសកម្មក្នុងការការពារ និងធ្វើការរាយការណ៍អំពីការប្រព្រឹត្ត ឬឥរិយាបថ មិនស្មោះត្រង់ទាំងឡាយណាដែលទាក់ទងទៅនឹងការគែបន្លំ ឬអំពើពុករលួយ។
ប្រកាន់ខ្ជាប់នូវវិជ្ជាជីវៈការងារ និងមានអាកប្បកិរិយាសមរម្យ ទាំងក្នុង និងក្រៅម៉ោង ការងារ ដើម្បីធានាថាសកម្មភាពរបស់ខ្ញុំ មិនមានផលប៉ះពាល់ជាអវិជ្ជមានណាមួយ ដល់កិត្តិនាម និងផលប្រយោជន៍របស់ស្ថាប័ន។
ប្តេជ្ញាចិត្តក្នុងការអនុវត្ត ដោយអនុលោមទៅតាមក្រមសីលធម៌វិជ្ជាជីវៈ គោលនយោបាយ នីតិវិធី គោលការណ៍ និងច្បាប់ ឬបទប្បញ្ញតិផ្សេងៗនៃព្រះរាជាណាចក្រកម្ពុជា។